In de Lunterse Krant schrijft De Kemissie Oud Lunterse Dag het volk en de Dorpsgenoten aan, Beste minse en daarsgenoote, ‘het gaat niet door dit jaar’.
De Oud Lunterse Dag gaat eind deze maand niet door. De organisatie heeft de 43ste editie vanwege corona af moeten gelasten. Wel mogen er in het dorp op zaterdag 29 augustus kleinschalige feestjes in de buurt worden gehouden. Waarbij de corona regels in acht moeten worden genomen.
Het thema voor dit jaar is dan ook: ‘Versier je huus en vier je feestje thuus’.
Voor de liefhebben van de Reutemeteut nog even de reportage van Ede.nieuws.nl van 2019.
Bron: Lunterse Krant
Beste minse en daarpsgenoote,
De leste tied hen we in ons laand ’t Coronavirus aordeg onder de duum gekreege. Ziekehuuze zin weer mit de “gewoone minse” beezeg en ’t leek d’r een bietje op dat ‘t weer wat normaol ging worde. Mit as resultaot da’we noe nie meer zukke straffe maotreegele noodeg hen. Ja minse, dat dochte we… Mer de leste weeke zin d’r juuste weer veulachteg besmettinge bijgekomme.
Veural onder de twienteg- en dartegjaorege. Die zeuke mekaor noe ineens veul meer op veur vertier, umdat ze dat iezeg gemist hen. Dat begriepe we as Kemissie Oud Lunterse Dag best. Mer blief d’r asjeblieft verstaandeg mee umgaon minse, went je kun ’t virus net zoo makkelek weer deurgegeeve an je ouwers en ok an je opa en oma.
Veural op de leste zaoterdag van augustus maok je hier veul kans op. We heure in de wandelgange van Lunteren dat ooveral planne zin veur een feesje thuus of in je eige buurt. Da’s iezeg gezelleg netuurlek. Dat mag ok, mer ’t mot nie te druk worde. Gien groote feeste, waor Jan en alleman uut de wije umstreek, veur uutgenoodegd worde. Minse, hou de kop d’r bij.
As Kemissie Oud Lunterse Dag wille we daorum nóg es benaodrukke um ’t kleinschaoleg te houwe! Weet da’we , as ’t uut de haand loopt, de ankommende jaore mit de gebakke peere zitte! En ok wille we zeeker nie ’t laandelek neis haole mit da’we van alle kaante de reegels hen oovertreeje en dat d’r hard opgetreeje mos worde. Dát motte we noe net nie hen, minse. Uuteindelek gaot ’t um de traoditie van de Oud Lunterse Dag en nie um ’t feestje! Mer waor ‘t allemaol um dreit is de gezondheid van alle minse in ons daarp en umstreeke. Help ons um alles in ’t gareel te houwe. Dan blieft ‘t: “Veur en deur Lunteren!”
De Coronareegels veur de leste zaoterdag van augustus tweeduuzendtwienteg:
- Blief aanderhalve meeter bij mekaor uut de buurt;
- Blief thuus a’je verkouwe, ziek, zwak of misselek bin;
- Blief in je eige buurtschap en hou de drukte in de gaote.
Alle eevenemente van de Oud Lunterse Dag tweeduuzendtwienteg zin ofgeblaoze. Veur de duudelekheid: D’r is gien feest in ons daarp! ‘t Thema van dit jaor is: ”Versier je huus en vier ’t feestje thuus”
De Kemissie Oud Lunterse Dag
